帝舵（TUDOR）作為ROLEX公司子品牌，都深受香港人喜愛。但手錶戴耐咗，總會遇到一個問題——「抹油」（又稱洗油、全面保養）。
好多錶主第一次需要維修保養時，都會聽到人講：「上14樓啦！」但又會聽到另一班人話：「去第三方啦，平靚正！」到底咩係「14樓」？第三方又係咩？今日一次過同你講清楚。
📋 目錄 — 點擊展開瀏覽摘要
「14樓」係指中環怡和大廈14樓嘅帝舵香港官方客戶服務中心（RSC），係帝舵喺香港唯一官方認可嘅維修服務中心。所有帝舵腕錶嘅售後保養、維修同檢驗都喺呢度進行。
閱讀全文 →位於中環怡和大廈14樓，電話2249 8888，星期一至五09:00-18:00，必須提前預約。提供全面機芯檢測、原廠零件更換、防水測試等服務。
閱讀全文 →除官方外，香港仲有多間第三方專業維修公司，提供獨立打磨拋光、即時檢查報價、營業時間彈性等服務。但質素參差，需小心選擇。
閱讀全文 →零件、價錢、等候時間、打磨拋光、營業時間、預約方式、維修紀錄、保值影響、技術水平、適用對象——10個維度一次過比較。
閱讀全文 →機芯行時問題、爆玻璃、殼帶損傷、打磨拋光、古董錶、常規抹油、入水緊急處理——每種情況分析最適合嘅維修途徑。
閱讀全文 →揀第三方嘅5個要點、保養期內嘅重要提醒、點分辨真偽第三方——避免中伏嘅實用貼士。
閱讀全文 →保養期內上14樓，過保考慮第三方。一句總結：保養期內必去14樓；過咗保養期睇你想要「官方紀錄」定「慳錢快捷」。
閱讀全文 →一、「14樓」到底係咩？--認識香港唯一官方TUDOR維修中心
講到 帝舵維修（TUDOR維修），香港錶友一定聽過 「14樓」 呢個名。其實係一個坊間約定俗成嘅簡稱，所指嘅就係：
📍 中環康樂廣場1號怡和大廈14樓
📞 2249 8888
因為位於怡和大廈（以前叫康樂大廈）嘅14樓，所以大家都直接叫「上14樓」。呢度係帝舵喺 香港唯一官方認可嘅維修服務中心，負責所有帝舵腕錶嘅售後保養、維修同檢驗。無論你喺邊個國家買嘅TUDOR手錶，都可以喺度進行 TUDOR抹油、零件更換等服務。
如果你喺Google搜索 "TUDOR service in hongkong" 或 "TUDOR repair center"，14樓就係最官方嘅答案。
「14樓」嘅江湖地位與TUDOR驗真
喺香港二手帝舵交易入面，成日聽人話「上行驗證」或「14樓交收」。以前14樓係提供驗證手錶真假服務嘅，只要上到去，官方幫你睇完就知係咪堅嘢。
不過官方喺2020年尾已經 停止咗直接嘅驗真服務，但行內仍然有方法——例如上去報價抹油，如果官方肯報價，就代表佢哋確認呢隻係真帝舵（因為假錶官方唔會受理）。不過編者極唔建議呢種繞道而行嘅做法， 因為呢啲行為早晚會令官方再次收緊措施。如果需要驗證真假，建議搵信譽良好嘅第三方TUDOR維修公司開底蓋檢查機芯。
如果你想搵第三方，銅鑼灣羅素街亨利鐘錶係一個比較好選擇，據了解依家好多錶友進行二手TUDOR交收都會約去呢度驗證後交收，佢哋師傅 都14樓工作過幾十年退休師傅，經驗豐富，可以講解到隻錶幾時出，有咩特色及需要留意啲咩等，會讓你學到好多有關TUDOR手錶嘅知識。
← 返回目錄二、官方服務中心（14樓）詳情
基本資訊
| 項目 | 詳情 |
|---|---|
| 服務中心 | 帝舵客戶服務中心（RSC Hong Kong） |
| 地址 | 中環康樂廣場1號怡和大廈14樓（14/F, Jardine House） |
| 電話 | +852 2249 8888 |
| 服務範圍 | TUDOR維修、TUDOR抹油保養、零件更換 |
| 營業時間 | 星期一至五 09:00 – 18:00（公眾假期休息） |
| 預約 | 必須提前預約，已不接受 walk-in |
| 服務品牌 | 帝舵（TUDOR）及帝舵（TUDOR）全系列 |
官方維修嘅優點 vs 缺點
✅ 優點
- 100% 原廠零件
- 跟隨日內瓦原廠流程
- 有官方維修紀錄，放售保值
- 維修紀錄全球可查
- 維修後有官方保養
❌ 缺點
- 2026年TUDOR抹油收費 $5,100 起
- 等候期長，排幾星期至幾個月
- 只開平日辦公時間，需預約
- 唔單獨接打磨拋光及外觀件修復
- 流水線式運作，唔需要換件都換，成本高
三、第三方維修公司介紹 -- 香港TUDOR維修另一選擇
除咗官方14樓，香港仲有好多 第三方專業手錶維修公司 提供 TUDOR維修 及 TUDOR抹油 服務。但透過 Google 搜索「帝舵維修」、「TUDOR REPAIR」或 "TUDOR repair in hongkong" 會跳出好多選擇，魚龍混雜，有些甚至假冒官方維修，需要你特別留意唔好俾人呃到。
一般第三方營業時間：一至日 10:00 – 19:00，多數唔需要預約，可以直接上去或 WhatsApp 查詢。
第三方常見服務
- 全面洗油保養-- 即 TUDOR抹油
- 獨立打磨拋光（14樓唔單獨做）
- 鏡面及外觀零件更換
- 手錶翻新、補鋼、還原
- 換電、換錶帶
- 二手及古董TUDOR維修
- 二手驗證與回收
第三方維修嘅優點 vs 缺點
✅ 優點
- 正規公司比14樓平 30%–50%
- 可即時檢查報價，等候期短
- 營業時間彈性，唔使預約
- 可獨立做打磨拋光
- 透明報價，逐個零件解釋
- 適合TUDOR過保養期後維修
❌ 缺點
- 質素參差，揀錯會整壞錶及收費貴過官方
- 有啲用副廠件，唔係原廠
- 保養期內開蓋會失效
- 部分買家介意非官方維修記錄
四、官方 vs 第三方：全面比較表
| 比較項目 | 官方14樓（RSC） | 第三方維修公司 |
|---|---|---|
| 零件 | ✅ 100% 原廠 | ⚠️ 原廠／副廠混用 |
| 等候時間 | 幾星期至幾個月 | 幾日到兩星期 |
| 打磨拋光 | ❌ 唔單獨做 | ✅ 可獨立做 |
| 營業時間 | 一至五 9–6 | 多數一至日 10:00–19:00 |
| 預約方式 | 必須預約 | 可直接 walk-in 或 WhatsApp |
| 維修紀錄 | 官方全球可查 | 公司本身紀錄 |
| 保值影響 | 最高保值 | 個別買家會介意 |
| 技術水平 | 官方培訓，趨向流水線 | 視乎公司及師傅經驗 |
| 適用對象 | 保養期內／要求最高保值 | 過保手錶／舊錶／二手 |
五、TUDOR抹油收費2026 — 官方最新收費表
以下係 TUDOR 官方服務中心最新公佈嘅「Complete Service」（全面保養／TUDOR抹油）收費，2026年2月起生效：
現代款（6位數字型號）
| 型號 | 收費（HKD） |
|---|---|
| AIR-KING/DATE/DATEJUST/DAY-DATE | $5,100 |
| EXPLORER/PERPETUAL/MILGAUSS | $5,100 |
| Explorer II | $5,900 |
| EXPLORER II/GMT-MASTER II/TUDOR DEEPSEA | $5,900 |
| SEA-DWELLER/SUBMARINER/YACHT-MASTER | $5,900 |
| COSMOGRAPH DAYTONA/DEEPSEA CHALLENGE | $7,200 |
| SKY-DWELLER/YACHT-MASTER II | $7,200 |
經典款（5位數字型號）
| 型號 | 收費（HKD） |
|---|---|
| CLASSIC/DATE/DATEJUST | $7,600 |
| DAY-DATE/DUAL TIME/EXPLORER | $7,600 |
| MOONPHASE/PEARLMASTER/PERPETUAL | $7,600 |
| SPECIAL/EDITION/TIME/VINTAGE | $7,600 |
| EXPLORER II/GMT-MASTER/SEA-DWELLER | $9,300 |
| SUBMARINER/SUBMARINER DATE/YACHT-MASTER | $9,300 |
| COSMOGRAPH DAYTONA | $11,000 |
附加服務
| 服務 | 收費（HKD） |
|---|---|
| 打磨拋光（每件組件） | $1,300 |
| 全套打磨（金屬錶帶+錶殼+帶扣） | $2,400 |
六、幾時上14樓？幾時揀第三方？--常見TUDOR問題決策指南
① 機芯行時問題（行快/慢超過10秒/日、偷停、唔行）
上14樓 一手買、保養期內
上14樓 過保養期／二手買，但隻錶價值較高
也可選擇第三方，但你一定要先了解常規保養官方收費，唔好搞到第三方最終收費仲高過官方。
② 爆玻璃
兩邊都得 官方及大多數第三方公司都會要求機芯抹油保養先肯整。部分良心第三方會當面檢查後先決定是否需要抹油。
③ 殼帶外觀件損傷
上14樓 追求完美 — 官方直接換全新原廠件
揀第三方 通常會優先修復，效果因公司而異
④ 打磨拋光
一定要揀第三方 14樓唔會單獨提供打磨拋光服務。但需要留意師傅有無處理TUDOR砂紋嘅經驗。
⑤ 古董帝舵維修保養
揀第三方 款式太舊，官方唔一定受理。先叫對方初步估價，唔好喺睇唔到錶嘅情況下畀佢打開格價。
⑥ 常規抹油（洗油保養）
TUDOR抹油 係指將成個機芯拆散，用專業設備清洗、抹油、調教測試。多數人戴到走時誤差大先諗起要抹油，嗰個情況其實已經係需要維修。
抹油無原廠與非原廠之分，只有技術手法好壞之分。 有經驗嘅師傅：唔會刮花機芯件、會修復輕微磨損、點油精準。14樓流水線式運作，唔需要換件都幫你換，一口價 $5,100-$7,200 起。
⑦ 入水
如果隻錶入水，特別係鹹水，要即時處理，建議直接搵第三方。等到官方預約機芯可能已生銹。
七、注意事項及防伏指南
揀第三方公司嘅5個要點
- 睇口碑 -- 去討論區（Discuss、Baby Kingdom）、GOOGLE地圖評論睇真人分享
- 問清楚零件來源 -- 用原廠定副廠零件
- 要求即時打開檢查 -- 信譽好嘅第三方會俾你睇住開錶檢查，你直接可以同師傅溝通。
- 留意打磨技術 -- TUDOR錶殼打磨好講究
- 睇保養期 -- 正規第三方會俾12個月至24個月服務保養
如果你隻錶仲喺官方五年保養期內，千祈唔好去第三方整！一旦開過底蓋，官方保養期會立即失效。
點分辨真偽第三方
市面上有啲自稱「TUDOR維修中心」嘅網站係假冒官方，認住中環怡和大廈14樓先係唯一真官方。
← 返回目錄八、總結：帝舵維修快速決策一覽
但無論揀邊間第三方，千祈唔好貪網上報價平揀到啲山寨舖，最後收費好大機會貴過官方！
需要 TUDOR 維修或抹油服務？
立即聯絡我們，安排免費初步檢測和透明報價