如果你已經係一位帝舵（TUDOR）手錶嘅錶主，手錶戴耐咗之後，勢必會面對後續嘅保養維修問題。通常嚟講，送去畀品牌認可嘅經銷商或品牌服務中心都係比較放心嘅選擇。坊間工作室可能問到嘅價格會比較平，但如果維修中換咗非原廠零件，原廠保固資格就會失效。
以下我哋會逐一了解 帝舵原廠嘅保養維修程序，由拆解到最終品質檢測，共8個步驟，等你了解機芯洗油背後嘅專業細節。
- 拆解錶殼、取出機芯
- 清潔及更換耗損組件
- 上潤滑油並重新組裝機芯
- 調校擺輪與電子測試
- 錶殼與錶帶保養（自選）
- 重組錶殼及更換防水膠圈
- 防水測試
- 最終品質管理檢測
原廠保養流程 8 大步驟
1拆解錶殼、檢修機芯
一旦錶主確認估價 OK，帝舵嘅維修師傅便會開始拆解手錶：將錶帶從錶殼拆出、打開錶殼、取出機芯，最後完全拆解機芯。每一個零件都會被小心放置，避免刮傷。
2清潔及更換耗損組件
拆解機芯後，各組件會送去進行超聲波清潔，使用專業清洗液徹底去除舊油、灰塵同金屬碎屑。師傅會仔細檢查每個獨立機芯零件，必要時會用品牌原廠零件更換耗損或損壞嘅部分。常見更換零件包括防水膠圈、發條、齒輪等。
3上潤滑油並重新組裝機芯
機芯各部位嘅功能組件均悉心塗上潤滑劑，以減低零件彼此間嘅摩擦情況，預防耗損。每個加油點都需要精確控制油量，過多或過少都會影響機芯運行。呢個步驟極之考驗師傅嘅經驗同手藝。
4調校擺輪與電子測試
為確保手錶能夠精準顯時，師傅會細心調校平衡擺輪，並進行電子測試。隨後師傅會全面檢測手錶，並喺接下來幾天內觀察手錶嘅性能是否符合原廠標準，包括多個佩戴位置嘅走時測試。
5錶殼與錶帶保養（自選）
除咗完整檢修之外，帝舵會提供錶主自選嘅錶殼與錶帶整修服務。呢套服務包括打磨、磨砂處理及超聲波清潔，確保材質回復光澤。注意手錶外觀清潔甚至拋光 並唔包含喺保養嘅標準內容中，要錶主自己要求品牌先會進行。
6重組錶殼及更換防水膠圈
完成機芯嘅檢修後，師傅會重新組裝錶殼，並替換所有防水膠圈，確保手錶嘅防水性能恢復到出廠前嘅完整狀態。呢個步驟對日常佩戴嘅防水保護至關重要。
7防水測試
組裝完機芯後，錶殼會經過測試以確保符合耐壓要求。另外仲需通過喺水中進行真空及壓縮兩個測試，以及冷凝檢測，探測錶殼內含嘅極微量水份，藉此判讀手錶嘅防水性能是否正常。
8最終品質管理檢測
雖然帝舵手錶喺檢修過程嘅每個階段都會經過測試，但喺手錶交回錶主之前，品牌會再進行一次最終品管檢測。師傅會按照帝舵新錶嘅生產規格，查驗手錶嘅動力儲存、計時精確度同整體外觀等項目，確保手錶內外都已經回復到媲美新錶嘅正常狀態。
帝舵嘅保養維修步驟基本上同其他品牌大同小異，重點係喺咁仔細嘅步驟一一檢查調整後，手錶又可以再勇健3-5年冇問題。記住保養不可慳，咁手錶先戴得長久。另外，手錶交回錶主後，官方會額外提供 兩年保修保固，當然同新錶保固一樣，必須遵守品牌規定嘅條件先能生效。
點樣揀最適合你嘅維修途徑？
送原廠保養雖然最穩陣，但價錢較高、等候期長。坊間嘅第三方專業維修公司則提供更快、更平嘅選擇，但質素參差，揀錯會整壞錶。以下係一啲參考指引：
- 保養期內 — 一定要上原廠，否則保養失效
- 過咗保養期、想保值 — 建議上原廠，有完整維修紀錄
- 過咗保養期、預算有限 — 可揀口碑好嘅第三方
- 需要打磨拋光 — 原廠唔單獨接，第三方先做到
- 年份太舊或古董錶 — 原廠未必受理，建議搵第三方
- 入水緊急處理 — 原廠預約太慢，搵第三方即時處理
需要 TUDOR 機芯保養服務？
免費初步檢測，透明報價，即時當面開錶檢查